Qurani-Kərimin tilavəti ilə bağlı mübarək dinimizin çoxlu tövsiyələri vardır.
Bu tövsiyələrdən bəzilərinə diqqət edək:
1. Quranı rəhbər bilmək. Həzrət Peyğəmbər (s) buyurur: “Quranı öz rəhbəriniz qərar verin”.
2. Quranı üstün bilmək. Həzrət Peyğəmbər (s) buyurur: “Quranın başqa sözlərə üstünlüyü – Allahın, məxluqlarından üstünlüyü kimidir”.
3. Quranın dili çox şirindir. İmam Əli (ə) buyurur: “Pak və Uca mərtəbəli Allahın Kitabını öyrənin ki, o, ən yaxşı söz və ən ifadəli möizədir. Onda təfəkkür edin ki, həqiqətən Quran – qəlblərin baharıdır. Nuraniliyindən şəfa istəyin ki, həqiqətən Quran – qəlblərin şəfasıdır. Tilavətini gözəl edin ki, ən üstün dastanlar (ondadır)”.
4. Quran hərtərəflidir. İmam Əli (ə) buyurur: “Hər kim keçmişdəkilərin və gələcəkdəkilərin elmini öyrənmək istəyirsə, Quranda dəqiq olsun”.
5. Günahların kəffarəsidir. Həzrət Peyğəmbər (s) buyurur: “Quranı qiraət edin. Çünki Quran oxumaq – günahların kəffarəsi, atəşdən örtük və əzabdan amandır”.
6. Fəsaddan uzaq olmağa səbəb olar. Həzrət Peyğəmbər (s) buyurur: “Quran oxumaqdan qafil olma ki, Quran qəlbləri dirildər və pisliklərdən uzaq saxlayar”. (Beytutə)
Mənbə./Deyerler.org/
